Rajin pulak menaip. Aherher.. Baru lopeh masak oii..anak buah den nak makan udang tumis dengan kacang botol. Lamo dah tak masak, skill den dah tumpul. Tak samo raso eh dengan yang selalu buek tu. Macam ado yang kurang. Minyak eh tak..?
Hurm. Den raso macam nak tarik diri pulak dari ABG2014 ni. Sobab eh, prestasi den merosot. Agak eh terkojut sobab dah lamo tak fly ni. Raso lotih pun ado yo sobab travel dari Perak lopeh subuh. Tak sompek lurus pinggang toruih bontang payung. Berani kau nak rehat..??!!!
Takpolah kok takdo rezeki nak join competition bertaraf antarabangsa macamtu. Bolom maso eh laie den raso. Den pun bukannyo handa bona. Yolah bilo tetibo tercalon tu kan, mano tak jakun eh. Mestilah gembiro kan. Risau makmek lak den ni haa..macam2 boto den nak fikirkan.
Apo pun kebuntuan yang den alami sekarang, den harap den tak leko dengan permainan duniawi. Apo pun kesibukan dunio, harap den tak lengah-lengahkan solat. Uii takut boto den klu time azan tu den masih terkedek2 buek bondo lain. Allah dah panggil, leh lak kito buek tak tau yo tak. Biadap amek kito kek Tuhan kito sendiri. Nauzubillahi min zalik...moga kito semuo dijauhkan dari perangai suko nangguh2 solat ni...
Dan den pun berharap makmek agar den tak membonci seseorang tu hanyo sobab orang lain bercerito perihal buruk dio kek den melainkan den terkono sendiri. Biarlah den sorang yo kono macamtu. Setakat fitnah dan tuduhan tu apo bona la sakit eh kan. Chill beb.
No comments:
Post a Comment