#28 Tersodak

Tersodak den nengok eh
Tersodak den..
Makin tak paham den dengan situasi barai macamni.
Apo kehondak dio sebona eh.
Adehai.

Bukan merungut do..ni lobih kepado buek salah tak buek laie kono sorgah.
Kok orang dah tak suko, baik kito bolah yo tak.
Tapi bilo fikir "kalau kau raso nak keluar pikir balik kenapo kau masuk"..
Dah jadi macam tak semonggah lak perangai den kan.
Sabar tu kan segalo-galo eh.

Orang nampak den bongih selopeh den lamo menyabar.
Kekadang sabar den 200% tapi dek kerano terlalu memondam, maghah tu terlotuih gak.
Takdo sapo tau sabar den yang 200% tu sobab den pondam. Lobih kurang pun lotak kek sinia yo peluahan eh.

Raso teraniayo pun ado. Doa orang teraniayo tu makbul....kan...?? Sobab tu rasa takut nak berdoa. Risau kot den terdoa yang tak elok untuk orang lain..Kalau dapek, mohon Allah bukakan pintu hati sesapo yang terlibat ni yo untuk soda bahawo kito semuo ni manusio biaso.

Keadaan den ni tak memungkinkan den ado maso untuk orang lain. tapi den totap dituduh macamtu oleh seseorang. den tak paham..den memang tak paham kenapo den difitnah sebegitu rupo..lagilah den sodih...